Duha ang patay samtang upat ang grabehan sa duguong disgrasya sa dalan human gidaro sa tanker ang harvester sakay ang mga mag-uuma sa Magsaysay Nabunturan Davao de Oro alas 10:30 sa buntag kaganiha.
Nigawas sa imbitigasyon sa traffic section Nabunturan PNP, nga padulong unta mag-harvest ang grupo sa mga mag-uuma sakay sa harvester dihang pag-abot dool sa Golden Valley kalit gidaro sa nagsunod nga gasoline tanker nga gimaneho sa usa ka Diego Basmayor Geralde-59 anyos, residente sa Tibungo ning syudad sa Davao.
Matud sa drayber nga si Basmayor nga gikan siya sa Trento ug pauli na unta siya sa lungsod sa Sta Cruz ug pag-abot sa lugar nahitabuan, layo pa lang iya nang nakita ang harvester apan dihang gisulayan niini og minor wala na migana ang brake ug nadumbol ang harvester.
Sa kakusog sa pagkabangga, nagpasad sa dalan ang lawas sa mga biktima ug ang uban nadat-ugan og natusok sa mga bakal samtang ang tanker mideretso sa usa ka balay ug swerte nga wala milahos.
Giila ni PCorporal Lyndonm M. Sumaya sa interview sa Brigada News Fm-Davao, angduha nga nakabsan nga mao sila si Edwin Maramba-47, anyos ug igson niini nga si Eduardo Maramba-44 anyos.
Kritikal usab karon ang kahimtang si Jose Maramba samtang ang laing tulo nga naangol anaa na sa luwas nga kahimtang nga nailang sila si Jason Valderama Sr.-60 anyos; Benjie Alistre-40 anyos; Rogelio Tugunon, 50-anyos nga padayong giatiman sa Davao de Oro Provincial Hospital
Gikustudiya na karon ang drayber sa tanker nga kasuhan og reckless imprudence resulting to double homicide sigon sa traffic investigator. BNFM-DAVAO
