LEGAZPI CITY – Arestado an duwang lalaki sa magkasuway na operasyon sa Albay.
Sa Brgy. Agos, Polangui, dakop an akusadong si alyas JJ, 37 anyos asin residente kan kaparehong lugar sa kusog kan mandahamiento de aresto para sa kasong Rape by Sexual Assault.
Apwera kaini, arestado man sa Brgy. Basud, Tabaco City si alyas Andrew, 27 anyos gikan sa Purok 2-B, Brgy. San Isidro, Malilipot sa kusog kan mandahamiento de aresto sa kasong pagbalgar sa RA 9165 o Comprehensive Dangerous Drugs Act of 2002.
Sa ngunyan, an mga naarestar na mga persona, nasa kustodiya na kan mga otoridad para sa magkakanigong disposisyon.