Dinakup it katapot’ Kalibo Municipal Police Station ru 2 mga soltero nga nadakpang eomabag sa curfew hour sa Roxas Ave., Kalibo kabie.
Sa blotter report it Kalibo Municipal Police Station, nakilaea ru mga nadakpan nga sanday John Ibabao,19 anyos it Brgy. Tamalagon,Tangalan ag Christian Kasoy, 18 anyos it Brgy. Tagas sa nasambit man nga municipalidad.
Sa pag sita it mga kapulisan, uwa it may naipakiotang driver’s license ru driver it motorsiklo ag iba pang mga naga kaigo nga dokumento raosn nga gin impound sa Kalibo MPS.
Samtang, eagi man nga gin release it nasambit nga PNP Station ru mga nadakpan.//MARIVIC Y. ILIN