2 plantasyon sa marijuana sa Davao Oriental, gi-raid

Moabot sa P4,000,000.00 kantidad sa marijuana plants ang gipang-ibot sa mga sakop sa kapulisan ug Philippine Drug Enforcement Agency-Xi gikan sa duha ka bulag nga plantasyon sa Tarragona, Davao Oriental.

Unang plantasyon nahimutang sa Sitio Pagbaluyan, Brgy. Tubaon, Tarragona, Davao Oriental kung asa anaa sa 10,000 fully grown Marijuana plants ang naibot sa hiniusang pwersa sa otoridad sa milabayng Agosto 2, 2021.

Duha ang naaresto nga giilang sila si Jorel Malintad nga kanhing nabilanggo ug nakaikyas gikan sa detention facility; ug usa ka Alejandro Magandam, pulos hamtong nga planter ug maintainer sa maong plantasyon.

Samtang Agosto 3, 2021, laing operasyon ang gilusad  sa Sitio Pagbaluyan, Brgy Tubaon ug nadiskubrihan ang balor P2,000,000.00 kantidad sa 10,000 fully growned marijuana kung diin nadakpan ang maintainer nga si Noel Malintad apan tulo ka suspek ang nakasibat.

Gipasalig usab ni PCol. Efren Orlina, provincial director sa DOPPO nga pakusgan pa ang anti-illegal drugs campaign sa kapulisan luyo sa pandemya nga gisagubang samtang ang mga naarestong susek ang gipangbalhog karon nga pulos mag-atubang sa kasong paglapas sa  RA 9165.

Ang malampusong operasyon gilusad sa Tarragona Municipal Police Station (TMPS), Regional Special Operations Group (RSOG) XI, Revitalized Pulis sa Barangay (R-PSB) Tubaon, 1st Davao Oriental Provincial  Mobile Force Company (DOPMFC), Regional Mobile Force Batallion (RMFB)11 1103rd Company, Provincial Drug Enforcement Unit (PDEU), Povincial Intelligence Unit (PIU) DOPPO, ug PDEA Davao. BNFM-DAVAO

Leave a Reply

Your email address will not be published. Required fields are marked *