May bag-ong provincial directors ro daywa ka police provincial offices sa Western Visayas, epektibo ku rayang October 10, 2022.
Raya hay matapos nga magpadaea ro Philippine National Police Headquarters, Camp Crame, Quezon City it memorandum halin sa TADPRM nga may petsang October 10, 2022 para sa termination of designations it daywa ka provincial directors.
Si Police Colonel Adrian Villalobos Acollador, outgoing Provincial Director it Iloilo Police Provincial Office hay ginbayluhan ni Police Colonel Noel Calderon Aliño, ro Chief, Regional Intelligence Division 6 (RID6).
Suno kay Police Brigadier General Leo M Francisco, Police Regional Office 6 Director, ro relieve order kay PCOL Acollador hay nag abot matapos ro serye it insidente it pagpamaril nga natabo sa probinsya it Iloilo.
Ginmanduan ni Director Francisco si PCOL Aliño nga tutukan ro serye it insidente sa probinsya it Iloilo para sa madasig nga solusyon.
Samtang, ro outgoing Provincial Directors hay igataeana sa Regional Personnel Holding and Accounting Unit (RPHAU) samtang nagahueat sa andang bag-ong assignment ag designations. / ANN DESLENE SALAZAR