Nakahunong na sa karsel sang Dumarao PNP ang duha ka suspek nga nagpangholdap sa duha ka babayi nga kolektor sang lending corporation sa Barangay Dacuton, Dumarao, Capiz sang damlag lang.
Ginkilala ang mga suspek nga sanday Rodel Peral sang Barangay Bungsuan kag Jonel ‘Dagul’ Huyaban sang Barangay Gibato sang nasambit nga banwa.
Matandaan nga ginhold-up ni Peral si Joy Babaran, 24-anyos kag natigayon nga makuha ang belt bag sini nga naga-unod sang cash.
Wala pa nakuntento si Peral ginpabuksan pa sini kay Babaran ang Toyota Innova nga salakyan samtang ginatutukan sang armas-luthang.
Nataban sang mga suspetsado ang kapin P10,000 nga balor sang kwarta nga collection.
Nadakpan si Peral sa suba nga bahin sang lugar matapos nga ini ang napilasan sa iya paglagyo, samtang nagsungka naman sa opisyal sang barangay si Huyaban.
Nahibaluan nga ginlagas ni Babaran ang mga suspek kag ginbungguan sang salakyan ang motorsiklo rason nga natumba ang mga suspetsado kag napilasan.
Ginapahayag nga kilala man sang mga biktima ang duha ka suspek.
Sa karon, natalana ang mga ini nga pasakaan sang nagakaigo nga panumbungon. | Judy Ann Juare