LEGAZPI CITY – Pinangaranan na kan Malilipot Municipal Police Station an duwang suspek sa panggagadan sa sarong barangay kapitan sa banwaan kan Malilipot kan taon 2022 o duwang taon na an nakalilihis.
Magigirumduman, Marso 6, 2022 kan pinagbabadil gadan si Leonardo Bisa kan Brgy. San Jose, Malilipot.
Sa impormasyon na nakuha kan Brigada News FM Legazpi, sa paagi nin nagbaba na mandahamiento de aresto ngunyan na bulan kan Hunyo, binisto an mga suspek na sinda Patrolman Al Anthony Lacandazo, dating nag-awol na myembro kan HPG Calbarson, pigtutukdong middleman asin si William Bawalan Dagotdot Jr., professional killer.
Dugang pa kaini, an mga suspek an dati nang nahahampang sa man lain-lain na kaso sa ibang mga lugar.
Sinabi man kan PNP na kaibahan sa mga nagduduon sa mga suspek, an kopya nin CCTV footage na nahiling an mga ini kun sain dinarang hospital an dating opisyal.
Sa presente, at large an mga suspek asin padagos na pinaghahanap kan mga otoridad.