Nagpakakarawat an 20 nga Persons Deprived of Liberty (PDLs) hin Good Conduct Allowance kun diin makakabalik na an mga ini ha normal nga panginabuhi mahuman makaalinggawas tikang ha Leyte Sub-Provincial Jail Facility, Hilongos, Leyte dida han Marso 9, 2023.
Ginpangunahan an pandistribwer hin Certificate of Discharge form Prison o release order ni Atty. Vevelyn O. Monsanto, Regional Director, PAO-DOJ, PLtCol. Joselito M. Villas (Ret), Leyte Provincial Warden, Representative han RTC 18, 8th Judicial Region ngan LGU Representatives.
Nagpakakarawat an nasabi nga mga PDL’s matungod nagpakita an mga ini hin maupay nga pamatasan ngan waray an mga ini gintalapas nga bisan ano nga aludayday ha sakob han presuhan.
An nasabi nga mga PDL in ginkasuhan ha ira pagtalapas ha RA 9165 o pagkakadabi ha ilegal nga droga.
Deri ngadaw madagmit an proseso agud matuman ini nga higayon sanglit espesyal an nasabi nga adlaw para ha mga PDL ngan Leyte Management, Screening & Evaluation Committee (LMSEC) R.A. 10592.
Mapasinalamaton naman hi OIC Jail Warden Florentino Olores, ha mga PDL ha ira panalimbasog ha sakob han pasilidad agud makab-ot an adlaw han ira pag-alinggawas ha presuhan.
Sugadman han mga stakeholder han Leyte Sub-Provincial Jail agud matuman an programa nga “Maagang Handong na Kalayaan”.
Mababaruan nga an Leyte Sub-Provincial Jail Hilongos in mayda la 203 PDLs.