NAKITA sa Environment workers ug concerned stakeholders ang 200 ka dolphins sa bahin sa Sarangani Bay samtang nag-monitor sa lugar sulod sa duha kaadlaw.
Matud ni Joy Oloquin, protected area superintendent sa Sarangani Bay Protected Seascape (SBPS), nakita ang mga dolphins sa baybayong dapit sa Alabel town, Sarangani province atol sa ilang regular marine mammal monitoring gikan Mayo 12-13. Ang naa sa 150-200 Spinner dolphins (Stenella longirostris) ug 16 Risso’s dolphins (Grampus griseus) ang namonitor ug nadokumento sa lugar.
Kauban sa monitoring team gikan sa SBPS Protected Area Management Office (PAMO) ang Bureau of Fisheries and Aquatic Resources-Region 12 ug mga estudyante. Giawhag nila ang mga stakeholders aron ipakita ang kaanyag sa Sarangani Bay ug maghimo og dugang ‘awareness alang sa proteksyon ug conservation. ( Richel Gubalani)