MIDUGOK sa mga nag-unang kadalanan sa GenSan ang mga spectators, foreigners ug mga lokal dungan sa paghuman sa weeklong nga selebrasyon sa ika-25 katuig nga tuna festival.
Malinawon ang kulminasyon sa ika-25 katuig nga Tuna festival sa GenSan, luyo sa pagkatala sa gitawag sa kapulisan nga gagmay’ng insidente.
Sa bahin ni Angelo Panlaan, usa sa lokal nga mitambong partikular na sa kulminasyon sa festival, nabati nilang nga luwas aila sa ilang pagsuroy sa mga aktibidad. Nakita usab ni Pcol. Nicomedes Olaivar Jr., OIC city police director sa GenSan City Police Office (GSCPO) nga ‘overwhelming’ ang pagdagsa sa katawhan dungan sa pagka-uhaw sa aktibidad human ang covid-19 pandemic.
Dugang ni Olaivar, mokabat sa 200,000 katao ang midagsa sa GenSan nga mitambong sa tanang pasundayag ug aktibidad dungan sa festival. I Richel Gubalani