Arestado ang 21-anyos nga ulitawo sa kasong Murder didto sa iyang panimalay sa Brgy. Caputian, Malalag, Davao del Sur, Mayo 1, 2021, pasado alas 10:00 sa buntag.
Giila sa Malalag Police Station ang arestado nga si Jeric Mercado Mendoza, laborer, ug lumulopyo sa nasangpit nga lugar.
Gidakop kini pinaagi sa gipagula nga Warrant of Arrest ni Hon. Joyce-Kho Mirabueno ang Presiding Judge sa Regional trial Court, 11th Judicial Region, Branch 58, General Santos City kaniadtong Pebrero 2017.
Kasong murder ang atubangon sa suspek ug walay girekomendang pyansa ingon man nalakip kini isip Top 13 (Municipal Level) Most Wanted Person.
Paslok na sa kustodiya sa Malalag Municipal Police Station ang suspek alang sa dokumentasyon.