SA taho sa City Health Office sugod kaniadtong Enero hangtud Hulyo 29 tuig 2023, anaa na sa 2,150 ka kaso sa dengue ang natala sa Gensan
Mas taas matud pa kini og 436 porsyento itandi sa tuig 2022 nga aduna ray 401 cases.
Sa karun, anaa na matud pa sa 1,464 ka tao kon 68% sa maong ihap ang naospital na ug kasagaran sa mga-ospital mga kabataan nag edad 8 month ngadto sa 89 years old
Kasagaran sa mga ma-ospital mga babaye asa 50 porsyento kon 1,083 na ang na-admit tungod sa maong sakit.
Segun ni Dr. Lalaine Calonzo, ang labaw sa City Health Office nga naka-activate na ang task force matag barangay aron nga kunhoran kon dili man mawagtang ang kaso sa dengue sa syudad.
Gani, naadtoan na sa mga sanitary inspectors ang mga barangay aron nga makig-alayon sa mga kapitan ug mga opisyal alang sa paghimo og mga lakang sa maong sakit.
Gani ang barangay nga adunay pinakataas nga kaso sa dengue mao ang San Isidro nga adunay 263 ka kaso.
ikaduha ang Lagao nga aduna 223 ka kaso ug ika tulo ang Dadiangas West nga adunay 66 ka kaso.
Sa bahin ni San Isidro Barangay Kapitan Jefrox Yumang gipamahayag niini nga nagahimo na sila og lakang aron nga makunhoran ang mga kaso.
Segon sa opisyal nga nagapanaog sila mismo sa purok alang sa Oplan Bayanihan.
Usa sa mga ginatutokan sa maong barangay ang purok Masunurin nga matud pa daghan og mga kaso. I Danny Casi