BICOL— Madara ngunyan nin onra sa islang probinsya nin Catanduanes ang 23-anyos na si Ensign Clarjofer Jayvee N. Sorrera huli ta nakataan ining mag graduar sa Philippine Military Academy ngunyan na maabot na Mayo 10.
Tubong Virac Catanduanes si Sorrera asin matua sa apat na magturugang gikan sa simpleng pamilya sa Brgy. Constantino.
Nagtapos siya ning elementarya sa Juan M. Alberto Memorial Elementary School, nagtapos nin sekondarya sa Catanduanes National High School asin nasa ika duwang taon siya ning pag-adal kan kursong Biology sa Catanduanes State University kan makapasar asin mag desisyong maglaug sa PMA.
Sa kabilugang 164 na mga kadeteng nakatalaang mag graduar ngunyan na maabot na Lunes, si Sorrera ang ultimong Catandunganon na nakabli sa hukbong pandagat o Philippine Navy na ma graduar sa Mandirigmang Samahan ng Lakas at Sandigan ng Bayan o MASALIGAN Class of 2021.##