GISUGDAN na ang 23rd Lubilubi Festival sa Glan, Sarangani Province adlawng Sabado, Setyembre 24.
Pinaagi sa Thematic Parade gisugdan ang festival nga may tema nga
“Festival of festivals.”
Gipakita sa mga taga Glan ang ilang maanindot ug colorful nga mga float ug King & Queen of Festival.
Gisalmutan kini sa nagkadaiyang government agencies sama sa (LGU Glan officials & employees, teachers, national government agencies, Barangay & SK Officials) fraternities & sororities, ug riders.
Pagkahuman sa parada, nanag-indig ang 9 ka contingent alang sa thematic dance showdown nga nagpasamot sa kasadya sa mga nanan-aw.
Atol sa opening program sa Plaza Rizal, gidayeg ug gipasalamatan ni Mayor Victor James B. Yap, Sr. ang tanan nga misalmot sa parada hinungdan nahimong grandiose ug malampuson ang opening day sa festival.
Dungan niini, giimbitahan sa mayor ang tanan nga makiglipay sa 15 ka adlaw nga selebrasyon sa 23rd Lubilubi Festival sa Glan pagkahuman ang pagbunal sa gong nga nagasimbolo sa pagsugod sa festivity.