24 bets sa 2022 polls sa Ilocos provinces, tatakbong unopposed

Kinumpirma ng Commission on Elections na 24 na mga kandidato sa Ilocos Norte at Ilocos Sur ang tatakbo na walang kalaban sa 2022 polls.

Sa 23 na bayan at lungsod sa Ilocos Norte, limang kandidato ang unopposed: na kinabibilangan ni Mary Chrislyn Abadilla ng (Banna), Crescente Garcia (Burgos), Francisco Espiritu Jr. (Dumalneg), Antonio Mariano (Marcos), at Aldrin Garvida (Nueva Era).

Ang mga ito maliban kay Espiritu, ay kasalukuyang nagsisilbi bilang mga alkalde ng probinsya.

Para sa ikalawang pinakamataas na local posts, lima rin ang mga tatakbong walang kalaban, na sina Denton Lawrence Garvida ng (Bangui), Erdio Valenzuela (Dingras), Fraincess Kwyn Espiritu (Dumalneg), at Caroline Garvida (Nueva Era).

Ang incumbent na si Mayor Carlito Abadilla II ng Banna, na tatakbo sa vice mayoral post sa susunod na taong halalan ay wala ring opponent.

Sa kalapit na Ilocos Sur province, 14 na mga kandidato pagka-bise alkalde ang tatakbong walang kalaban. //MHEL PACIA-TRINIDAD

Leave a Reply

Your email address will not be published. Required fields are marked *