Nakapagtala na ng dalawamput limang fireworks-related injuries ang Department of Health sa loob lamang ng isang linggo mula December 21 hanggang December 27, 2022.
Ayon sa DOH, Ang mga kaso ay naitala mula sa 61 sentinel hospitals.
Ang kabuuang bilang ng injuries ay 14% na mas mataas kumpara sa parehong panahon noong 2021 na mayroong naitalang 22 kaso.
Sa press briefing kahapon, tiniyak ni DOH officer-in-charge Maria Rosario Vergeire sa publiko na ang lahat ng ospital sa bansa ay isang daang porsyentong handa para i-accomodate ang mga fireworks-related injuries na maitatala ngayong Bagong Taon.
Hinimok ng Health Department ang mga Pilipino na iwasan na ang paggamit ng fireworks at firecrackers para magkaroon ng ligtas na selebrasyon ngayong bagong taon.//CA