25 ka nurser sa Dr. Jorge P. Royeca hospital, mi-resign sulod ning tuiga

GIKUMPIRMA ni Glenville Gonzales, hospital administrator sa Dr. Jorge P. Royeca  Hospital nga dunay 25 ka Job Order nurses ang mi-resign ning tuiga lamang.

Matud kang Gonzales, ang maong ihap gikan pa sa bulan sa Enero hangtud Hunyo samtang miaging tuig 2020 usab dunay mi-resign nga upat ka nurse.

Dungang pahayag ni Gonzales, posibleng usa sa mga rason sa ilang pagluwat mao ang ka gamay ug delayed nga sweldo.

Una nang giklaro ni Gonzales nga ang rason sa pagka-delatar sa sweldo sa mga job order nurses mao ang pa-usab-usab nga schedule sa oras sa ilang duty kung asa maigo ang system sa ilang payroll ug duna usab ubang nurses nga dugay makapirma sa ilang mga DTR.

Apan gibutyag niini nga mas daghan gihapon ang nagpabilin sa Dr. Jorge Royeca Hospital nga anaa sa kapin 88 ka nurses.

Samtang karung umaabot nga Agosto 16, 2021 posibleng ila nang ipatuman ang basic salary sa nurse 1 nga job order gikan sa 17,000 pesos ngadto na sa 26, 000 pesos nga pirmado na sa buhatan sa mayor. Nanawagan na lamang ang opisyal sa mga interesadong mo-apply nga moadto lang sa ilang buhatan gumikan kinahanglan usab nilang mahulipan ang nabakanteng posisyon sa 25 ka nurses.

Leave a Reply

Your email address will not be published. Required fields are marked *