257 ka mga Matinians, nabakunahan sa nagpadayong simultaneous Covid-19 vaccination matag adlawng biyernes sa CHO Mati

Mokabat ngadto sa 257 ka mga Matinians ang nabakunahan sa nagpadayong Simultaneous Covid-19 Vaccination matag adlawng Biyernes.
Sa gipagawas nga datos sa buhatan sa City Health Office kon CHO Mati ang maong datos, natala sa imaging Marso 17 ning tuig kasamtangan.

Nasayran nga sa maong adlaw, ang Barangay Lawigan ang dunay pinakadaghan nga totally vaccinated nga miabot ngadto sa 75, gisundan kini sa Barangay Bobon sa ihap nga 45 og Barangay Tagabakid sa ihap nga 22.
Panawagan karun sa buhatan, nga magpabakuna na pinaagi sa pag adto sa ilang pinakaduol nga Barangay Health Center matag adlawng Biyernes sa alas 8 sa buntag hangtod alas 3 sa hapon aron ma protektahan ang kaugalingon ingon man ang kinatibuk-ang pamilya batok sa Covid 19.