NAKADAWAT og bugas ang mokabat sa 283 ka miyembro sa Brigadahan GenSan sa purok Kulasi, Brgy. Labangal, adlawng Sabado.
Tumang kalipay usab ang gibati sa mga residente tungod bisan bugas nga pipila ka kilo ang nadawat apan makatabang na kini kanila labi na nga daghang pamilya sa maong lugar ang apektado sa pandemya.
Sama sa usa ka inahan nga 70-anyos nga nagpuyo daplin sa baybayun sa purok Kulasi, sa maong barangay nga may pito ka anak nga naglusod gayud mao nga mag-agad usab sila sa mga hinabang nga madawat.
Segun usab sa area officer sa Brigadahan GenSan sa purok Kulasi, nga dakong tabang na sa mga katawhan ang gipanghatag nga rice packs.
Mokabat sa 219 ang mga miyembro sa purok Kulasi, ug ang uban gitunolan og rice packs ang gikan sa purok Acharon sa parehong barangay nga hugot usab nagpasalamat sa ilang nadawat.