29 anyos na lalaki, arestado sa pambubugaw ng tatlong babae

Arestado ang isang 29 anyos na lalaki sa isinagawang entrapment operation sa isang hotel sa Rizal Street, Brgy. Poblacion, Kalibo, Aklan dahil sa pambubugaw ng tatlong babae.

Kinilala ang suspek na si Ruel Fuentes at residente ng Brgy. New Buswang, Kalibo kung saan ang tatlong babae na kasama nito ay nasa edad 20, 21 at 24.

Batay sa report, ilang araw nang under surveillance ang suspek dahil sa illegal na transaksyon kung saan may isang asset na nagpanggap na costumer at noong tanggapin na nito ang pera na nagkakahalaga ng Php 4,500 ay dito na siya inaresto ng mga pulis.

Ayon naman sa suspek, nagawa niya ang nasabing bagay dahil hirap itong maghanap ng trabaho ngayong may pandemiya. Samantala, kasong paglabag sa R.A 9208 o Anti-Trafficking in Persons Act of 2003 ang kakaharapin ng suspek na nakakulong ngayon sa Kalibo PNP.

Leave a Reply

Your email address will not be published. Required fields are marked *