Arestado ang 29-anyos nga mangunguma matapos gin-implementaran sang search warrant sang mga kapulisan sa Sitio Siniba-an, Brgy. Bayebaye, Jamindan, Capiz.
Ginkilala ang naaresto kay Randy Zabala Ventura, residente sang nasambit nga lugar.
Narekober sa paghinakop ni Ventura ang isa ka unit sang .38 caliber nga armas-luthang nga loaded sang 4 ka mga bala.
Ang nasambit nga warrant ang gin-isyu kag ginpermahan ni Judge Judith D. Orendain-Tonogbanua, Regional Trial Court, 6th Judicial Region, Branch 20, Mambusao, Capiz napetsahan Setyembre 6, 2023.
Ginsaksihan nanday Barangay Kagawad Lelibeth Villasis kag Benjamin Martinez ang amo nga operation sang mga kapulisan.
Sa karon, nagapabilin sa kustodiya sang Jamindan PNP si Ventura lakip ang nakumpiskar nga armas luthang para sa nakaigo nga disposisyon. | Judy Ann Juare