29 ka voting centers sa Gensan nga nausab ang pangalan gituyok sa taga Comelec

GITUYOK sa mga personahe sa Commission on Elections o Comelec General Santos City ang 29 ka mga Voting Centers sa syudad unya gibutang sa mga Bulletin Boards ang gihimo nga mga kausaban sa mga pangalan niini.

Naabtan sa Brigada News Team ang taga Comelec sa Barangay Katangawan sa pagpanguna ni Election Assistant II Melvin QueƱanola.

Usa sa mga tulunghaan sa Gensan sa 55 ka Voting Centers nga hingpit nga nausab ug dili na mao sa unang natala sa Comelec mao ang kanhi Buayan Elementary School nga karon gitawag nga Datu Acad Dalid Elementary School.

Sumala sa usa ka magtutudlo nga 13-anyos na sa mao nga eskwelahan nga si Nacer Canacan nga Datu Acad Dalid Elementary School ang tawag sa ilang eskwelahan.

Si Teacher III Ma. Louleth Dagasdas nga 16 ka tuig na sa pagtudlo sa maong tulunghaan nagkumperma nga ang pangalan karon sa kanhi Buayan Elementary School gikuha sa unang principal ug sa nag donate sa yuta.

Malipayon usab si Alyza Jash Soriano sa mao nga tulonghaan apan dili pa siya makabotar sa Sangguniang Kabataan sa umaabot nga piniliay.

Samtang si Dinara Malangca namahayag nga dapat buotan ug honest ang iboto nga mahimong opisyal sa Sangguniang Kabataan.

Kahibaluan nga sa umaabot nga Oktubre 30, 2023 na ang piniliay. I Ver Diazon

Leave a Reply

Your email address will not be published. Required fields are marked *