Baynte-nuwebe (29) ka mga indibidwal ang pinakaulahing namatay human natakboyan sa coronavirus dinhe sa rehiyon sa Caraga.
Sa pinakaulahing datos sa Department of Health (DOH) Caraga, tungod sa bag-ong ihap sa mga namatay, miabot na sa 1,072 ang kinatibuk-ang patay sa Covid-19 dinhe sa rehiyon.
Kabahin lamang ang maong ihap sa kinatibuk-ang 33,229 nga nag-positibo sa rehiyon diin sa maong ihap, 27,401 na ang naulian, 4,756 ang pabiling naka-isolate.
Alayon niini, padayon ang pag-awhag sa departamento sa panglawas sa katawhan nga ipadayon ang pag-amping ug sundon ang nagtunhay nga mga health protocol.