Naninahan ro sangka eaeaki matapos raying mabun-an sa may Sitio Ilaya Brgy. Daja Sur, Banga, Aklan, kagabi.
Ginkilaea ro biktimang si Marl Gil Leoncito 29yo nga taga San Antonio St., Brgy. Daja Sur, samtang ro suspek hay ginkilaea kay Elizer Montoya 51yo ag residente it nasambit nga barangay.
Sa report, samtang kaibahan it biktima ro anang mga amigo hay gulpi segun nga nagpaeapit kanda ro suspek ag ro daywa ka mga kaibahan kara.
Dikara ag nakaangkon it komprontasyon sa tunga it suspek ag biktima.
Insigida eon lang segun nga nag gabot it kutsilyo ro suspek ag ginbuno ro biktima nga inigu sa alima.
Sa makarun hay kulong eon sa Banga PNP ro nasambit nga suspek samtang out-patient man ro nasambit nga biktima matapos mabueong ro nina kara sa alima. / / ANN DESLENE SALAZAR