BICOL—Panibagong batch ng Moderna COVID-19 vaccines ang dumating sa Legazpi City airport kahapon.
Ito na ang ikalawang delivery ng Moderna brand sa Bicol matapos ang pagdating ng unang batch noong nakaraang linggo na inilaan sa mga seafarers ng Maritime Industry Authority (MARINA).
Ayon sa Deparment of Health (DOH) Bicol, 7,400 doses ng bakuna ang panibagong dumating at nakalaan ito para sa mga nasa A1, A2 at A3 priority groups.
Sa lalawigan ng Albay, tig 600 doses ang mga lungsod ng Legazpi, Tabaco at Ligao at 600 doses din sa Bicol Regional Training and Teaching Hospital (BRTTH).
Sa Camarines Sur, tig- 600 doses din ang lungsod ng Naga at Iriga at ang Bicol Medical Center (BMC).
Tig-1,600 doses naman ang lalawigan ng Camarines Norte at Soraogon. Dahil trial run pa lamang ito, sa mainland Bicol muna ipapamahagi ang mga bakuna kung kaya wala pang allocation ang mga islang lalawigan ng Catanduanes at Masbate.
Paliwanag ng DOH, susubukan muna umano kung kakayanin ng sistema ang handling, distribution at administration ng bagong dating na bakuna dahil tulad ng Sputnik V ng Gamaleya ay frozen vaccime din ito.
Ang Moderna vaccine ay nangangailangan ng -15 to -25 degrees celsius na lamig ng freezer para sa tamang storage.
May ilang lalawigan umano na hindi pa handa pagdating sa storage capacity tulad ng Masbate.### || slm
Nagpahayag ng pakikiramay ang Department of Education (DepEd) sa mga naiwang pamilya at kaibigan ng…
Nagsagawa ng air assault exercise ang Philippine Marines at United States Marine Corps sa Balabac…
Inotorisa na ng Department of Agriculture (DA) ang pag-import ng bansa sa 25,000 metric tons…
Isa ang patay habang dalawa ang sugatan matapos mabagsakan ng pader sa ginagawang bahay sa…
Isang lolo ang nasawi sa Lipa, Batangas matapos mabangga ng motorsiklo habang sinasagip ang kaniyang…
Magkaksang muli ng tigil-pasada ang transport group na PISTON. Sa pulong balitaan - inanunsyo ni…