MAGPADAYON na karong adlawa ang pagbakuna sa mga senior citizen sa General Santos City human naabot ang 3,733 vials sa Sinovac vaccine nga alokasyon sa siyudad gikan sa Department of Health (DOH) 12.
Matud ni Dr. April May Maquilang, City Health Office (CHO) immunization coordinator ang 1,080 nga bakuna ang alang sa ikaduhang senior citizen sa dakbayan nga bakunahan sugod karong adlawa hangtud sa Mayo 07.
Ang nahibilin ang ihatag sa mga health workers alang sa ilang ikaduhang dose sa bakuna ug 48 ka vials ang ibakuna alang sa Muslim pilgrims nga moadto sa Hajj sa Mecca.
Samtang naa sa 1,297 senior citizen ang nakadawat sa unang ‘dose’ sa bakuna atong Abril.
Bisan paman naa na dakbayan ang bakuna alang sa ikaduhang ‘dose’ sa first batch nga senior citizen. Kinahanglang hulaton ang 28 kaadlaw o upat ka semana bag-o ihatag ang ‘second shot’ sa Sinovac vaccine.
Sa Rural Health Unit (RHU) bakunahan ang second batch samtang ang alang sa taga Barangay San Isidro sa SM mall himoon ang vaccination.
Kasamtangan nagpadayon ang ‘master listing’ sa elderly population sa dakbayan nga karon misaka na sa kinatibuk-ang 29,383. ( Rich Gubalani)