Ginpasidungan ang tatlo ka barangay sa Tapaz sa ginhiwat nga 11th Annual Sandugo Awards sang Philippine Red Cross-Capiz Chapter.
Ginkilala bilang Top 8 performing barangay kag nakakuha sang Award of Excellence ang Barangay Wright nga may 5.98% achievement sa bug-os nga probinsya sang Capiz para sa tuig 2021.
Nakabaton naman sang Plaque of Recognition ang Barangay Lagdungan kag Barangay Candelaria bangud sa ila wala untat nga suporta kag dako nga kontribusyon sa pagdamu sang suplay sang dugo pinaagi sa malapnagon nga pagpahibalo sa mga pumuluyo.
Ang Sandugo Award isa ka pinakamataas nga pagpasidungog sa mga Barangay sa boluntaryo nga pagpatigayon sang blood donation program, dire ginakilala ang aktibo nga partisipasyon sang kada BLGU para sa bastante kag safe nga blood supply sa pungsod. | KMD Gicalde