LEGAZPI CITY – Nominado si Albay 3rd District Board Member Dra. Eva Josephine Ribaya komo Most Outstanding ASEAN Optometrist and Humanitarian Advocate sa Asia’s Pinnacle Awards.
Huli kaini, nakatalaan na siyang magpasiring sa Okada Hotel saMetro Manila sa Biyernes, Oktubre 13.
Segun sa opisyal, wara siya nin ideya sa nasambit na award asin an pagkakanominar saiya alagad pigpapasalamatan niya an siisay man na nagbugtak saiya sa nominasyon.
Nag-agi man su boot sa proseso an nominasyon, kaiba an screening asin validation o background checking susog sa mga kriteria.
Mientrastanto, segun saiya, bako man sana siya an nominado kundi kadakol man saiyang kasarabay sa nasambitan na award.
Dakol naman su boot siyang naginibuhan sa probinsya siring kan medical and dental missions asin iba pa.