Natigayon nga madakpan sang mga katapo sang Philippine Drug Enforcement Agency (PDEA) Capiz ang tatlo ka mga durugista sa Purok 1, Brgy. Libas, Roxas City kahapon nga adlaw sang Huwebes, Hunyo 27.
Ginkilala ang mga nagkaladakpan nga sanday alyas “Dodoy,” 34-anyos; alyas “Dante,” 30-anyos kag alyas “Jay-R”, 32-anyos lunsay mga residente sang nasambit nga lugar.
Nahibaluan, ginsalakay sang mga otoridad ang isa ka drug den kag wala na makapalag pa ang mga suspetsado. Narekober sa ila paghinakop ang siyam ka sachets sang ginasuspetsahan shabu kag P500 nga buy-bust money.
Ginabanta nagabalor tanan sang P102,000 ang nakumpiskar nga iligal nga droga.
Sa karon, nagapabilin ang mga ini sa paghinakop sang mga otoridad kag natalana nga pasakaan sang nagakaigo nga panumbungon. | Judy Ann Juare