3 ka indibidwal arestado, matapos nagapatigayon sang illegal nga pagpangisda sa kadagatan sang Ivisan

Arestado ang tatlo ka indibidwal matapos dakop sa akto nga nagapatigayon sang iligal nga pagpangisda sa kalalawran nga sakop sang Ivisan, Capiz.

Ginkilala ang mga naaresto nga sanday Joe Marie Robia Jaloslos 32- anyos ,Jade Joseph Lustrado, 22-anyos kag Rome Anisco 36-anyos, lunsay mga residente sang Brgy. Culasi, siyudad sang Roxas.

Ginpahayag nga samtang naga pagpatrolya ang mga katapo sang Philippine Coast Guard, nadakpan ang mga ini kag wala sang may napakita nga nagaka-igo nga permit samtang nagapatigayon sang “LIKOS” isa ka sahi sang iligal nga pagpangisda.

Nakuha sa paghinakop sang mga nagkaladakpan ang isa ka unit sang fishing boat, double engine nga may 14hp kag 16 hp engine kag isa ka set sang lambat.

Magapangatubang sa pagbayolar sang Municipal Fisheries Code of 2012 order no. 3 series of 2012 ukon illegal fishing kun sa diin may yara sang penalidad nga naglab-ot sa P120,000.

Sa karon, nagapabilin ang mga ini sa kustodiya sang Ivisan Municipal Agriculture Office para sa nagakaigo nga disposisyon. | KMD Gicalde