3 ka mga high value target dakpan sa buy-bust operation, drug den nadusmantle

Dakpan ang tulo ka mga high value target ug nadismantle ang ilang balay-suyopanan human gi-arangkadahan sa Philippine Drug Enforcement Agency XIII, Agusan del Sur PPO ug Talacogon Municipal Police Station mga alas-7 ang takna sa buntag sa adlawng Sabado.

Ang mga dinakpan naila nga sila Marlon Jay Espera y Plaza – (Drug Den Maintainer), Loue Lugo y Libando alias Lonting – (Job Order of Talacogon LGU) ug Joel Hilarion y Ostaga.

Nakuha sa operasyon ang usa(1) ka plastic sachet sa gitoohang shabu nga adunay timbang nga 2 ka gramo ug Dangerous Drug Board Value nga PHP20,000.00 isip narekober nga buy-bust item.

Sa ginahimong search sa lawas sa biktima, nakuha sa iyang hupot ug possession ang duha ka dagku nga sachet sa gitoohang shabu nga nitimbang ug 10 ka gramos ug adunay Dangerous Drug Board Value nga PHP80,000.00.

Ang drug paraphernalia nga nakuha naglangkob sa crumpled nga aluminum foil strips nga adunay traces sa shabu, usa ka improvised nga tooter/pipe nga adunay traces sa shabu, 2 ka disposable lighters ug usa ka unit sa cellphone nga gigamit sa transaction.Lakip nga narecover ang matood nga P1,000-peso bill ug 19 ka mga P1,000 boodle money.

Kalapasan sa Section sa 5, 6, 7, 11, 12 ug 15, Article II sa RA 9165 o Comprehensive Dangerous Drug Act.
-END-