Nadakpan sa kapolisan sa Don Salvador Benedicto ang 3 ka mga giingong kawatan ug mga baka nga parehong taga Bacolod City.
Nahimo ang pag –intercept sa kapolisan kaganihang pasado alas kwatro sa kadlawon ngadto sa Purok Maisan Brgy Bunga, DonSalvador Benidicto Negros Occidental sa tulo ka mga suspetsado homan nga mihimo sila ug pagpatrolya .
Sa pakighinabi sa Brigada News FM SAN CARLOS kang Police Captain Eugene Tolentino , hepe sa Don Salvador Benedicto tungod sa grabeng report sa ilang buhatan kalabot sa missing nga mga hayop dili lamang baka lakip na mga kanding maong hugtanon ang ilang gihimong pagmonitor.
Gibutyag matod pa sa usa sa mga suspek nga una sila nakakawat ug baka sa Don Salvador duna na usab silay nakargang baka ngadto sa syudad sa Cadiz.
Nasayran nga gawas sa hayop ilang nakuha, usa sa mga suspek nakuhaan ug kalibre 380 pistola nga armas nga may unod nga buhing bala samtang ang usa nakuhaan usab ug ginadiling drogas.
Base sa talaan sa kapolisan gikan niadtong Marso anaa na sa pito ang nareport nga nangawalang kahayopan sa nahisgutang lungsod.