LEGAZPI CITY – Arestado an tulo katawo sa Purok 4, Brgy. Tagas kan Daraga huli sa kasong illegal possession of chainsaw.
Binisto an mga suspetsado na sinda alyas “Ferdinand”, 57 anyos; “Jingoy”, 26 anyos; asin si “Henry”, 42 anyos.
Basado sa impormasyon, nadakop an mga suspetsado sa aktong pagputol ki mga puon kan niyog sa nasambi na lugar.
Kan inagadan ki magkakanigong mga dokumento, wara man ki naipahiling an mga suspetsado. Mientras, kinumpiskar pa sainda an 3 unit nin chainsaw, 3 gallon ki gasoline; 2 galon nin used oil asin coco lumber.
Kapot na ini kan mga otoridad para sa magkakanigong disposisyon.