3 mga nagtapos sa Naga City, pasok sa top 10 ng Nurse Licensure Examination ngayong November 2022

NAGA CITY – Tatlong mga nagtapos sa Naga City ang pasok sa Top 10 ng Nurse Licensure Examination ngayong November 2022.

Isa rito ang 23-anyos na si Ray Anne Morales Calatrava ng University of Nueva Caceres, residente ng Barangay Carolina na hindi makapaniwala na nakapasok siya sa Top 10, nakakuha ito ng 88.20% rating.

Ayon sa kanya, ngayong umaga pa lamang nito nalaman ang resulta, mismong ang kanyang Lola pa ang nagbalita sa kanya.

Salaysay pa nito sa BNFM nagkataon lang aniya na may slots sa naturang kurso noon kaya nag enroll siya ng nursing, habang tumatagal ay minamahal niya na ang mga gawain sa kurso at magsilbi.

Barangay Health Worker ang ina ni Ray Anne, nagtatrabaho naman sa Maynila ang ama, katuwang naman ang kaniyang ate sa pag-papaaral.

Samantala, pasok rin sa Top 8 ang galing sa Ateneo de Naga University na si Julius Robert Culvera Ables na may 88.60% at Top 10 si Marichu Glovo Cayabyab ng Unibersidad de Santa Isabel na may 88.20% din na rating.

Sa record naman ng PRC 18, 528 ang pumasa sa naturang eksaminasyon o katumbas ng 74.4%.

Mensahe niya sa mga nursing student “learn from everything” lalo na ang mga praktikal na gawain, foundation pa rin aniya ang character.

Leave a Reply

Your email address will not be published. Required fields are marked *