3 persona, dakop sa drug buy-bust operation sa banwa sang Panitan

Dakop ang tatlo ka persona sa ginkasa nga drug buy-bust operation sang mga otoridad sa Medalya Milagrosa NHA, B-14 Lot -5 Brgy. Timpas, Panitan, Capiz.

Ginkilala ang mga nagkaladakpan nga sanday Harry Devera alias “Bethol”, 29-anyos; Kent Francis Ortez alias “kenken”, 18-anyos kag Lorenzo Bustamante alias “Renzo” 20-anyos, lunsay mga residente sang Brgy. Conciencia sa nasambit nga banwa.


Nahibaluan nga ang main target sang operasyon amo si Devera nga ginakabig Regional Top 10, priority High Value Individual sa iligal nga droga.

Nabaklan si Devera sang police posuer buyer sang (1) pc. heat sealed transparent plastic sachet sang ginapatihan shabu nga nagabalor sang P12,500.

Narekober pa gid sa posisyon kag paghinakop sang main target ang 23 pcs. heat sealed transparent plastic sachets sang shabu, 1 unit blue android cellular phone, 1 sling bag, P1,650 nga cash, drug paraphernalia’s, 1 unit .38 cal nga armas-luthang kag may 2 live ammunition.

Ginabanta nga nagabug-at sang 65 gramos ang mga shabu kag nagabalor tanan sang P442,000.

Sa karon, yara na sa kustodiya sang Panitan PNP ang mga suspetsado kag natalana nga pasakaan sang nagakaigo nga panumbungon. | Judy Ann Juare

Leave a Reply

Your email address will not be published. Required fields are marked *