30% ng mga Pilipino, naniniwalang gumanda ang buhay sa nakalipas na taon

Naniniwala ang tatlo sa bawat sampung mga Pilipino bumuti ang kaldiad ng kanilang buhay sa nakalipas na isang taon.

Sa survey ng Social Weather Stations (SWS), 30% ng mga Pilipino ang naniniwalang ‘mas mabuti kaysa noon’ ang kanilang mga buhay.

Sa kabila niyan, 29% naman o halos tatlo sa bawat sampung Pilipino rin ang nagsasabing ‘mas masama kaysa noon’ ang buhay nila sa ngayon, kung ikukumpara sa nakalipas na 12 buwan.

Samantala, 41% ang nagsabing walang pinagbago at nananatili pa rin sila sa parehong estado mula noong 2021.

Isinagawa ang survey sa pamamagitan ng face-to-face interviews sa 1,500 na adults sa bansa.

Tatlong daan sa nasabing bilang ay nagmula sa Metro Manila, Visayas, at Mindanao, habang 600 naman ang nagmula sa Luzon.

Leave a Reply

Your email address will not be published. Required fields are marked *