300K trabaho muling mabubuksan ngayong GCQ na ang NCR plus – DTI

Naniniwala si Trade Secretary Ramon Lopez na posibleng umabot sa 200,000 hangang 300,000 na mga manggagawa ang posibleng makabalik sa kanilang mga trabaho matapos bahagyang luwagan ng pamahalaan ang quarantine restrictions sa National Capital Region at mga kalapit na probinsya.

Ayon kay Lopez malaking tulong para sa ekonomiya ang paglalagay sa NCR plus sa General Community Quarantine (GCQ) mula sa Modified Enhanced Community Quarantine.

Nilinaw naman ng kalihim na hindi ito ‘yung traditional na GCQ dahil may malaking pag-iingat pa rin ginagawa bagama’t marami nang mga sektor ang pinayagan na muling makabalik sa kanilang operasyon.

Sinabi ni Lopez na lahat ng retail, manufacturing, economic activities, agriculture, ay bukas na ngayong GCQ.

Ang tanging maiiwan na lamang sa ngayon ayon sa DTI chief na bawal pa ay ang mga nasa entertainment venues, recreational, at amusement parks.

Leave a Reply

Your email address will not be published. Required fields are marked *