31 patay sa insidente sa bangga sa GenSan segun sa TEU

MOKABAT na sa 31 ang patay sa mga insidente sa bangga sa GenSan sukad Enero hangtod Setyembre 2 ning kasamtangan nag tuig, kini basi sa datus sa Traffic Enforcement unit.

Sumala ni PMajor Oliver Pauya hepe sa TEU, overspeeding ang nag-unang hinungdan sa bangga tungod kasagaran adunay impluwensya sa ilimnong makahubog ang drayber. Lakip na sab nga hinungdan niini ang dili matud pa tama nga pagliko sa mga drayber.

Sa ulahing sa datus sa nahisgotang buhatan kaniadtong bulan sa Agosto upat ka tawo ang nabiktima sa hit-and-run samtang sa Setyembre, usa na ang patay.

Gumikan niini takda nga maghimo og Oplan disiplina-sagip buhay ang mga sakop sa TEU kung asa dakpon sa kapulisan ang mga drayber nga walay igong dokumento ug walay proper tale light ang mga sakyanan, aron madisiplina matud pa ang mga drayber nga iresponsable sa pagmaneho.

Nanawagan ang kapulisan sa tanang motorista nga mag-amping sa pagbiyahe ug kanunay musunod sa balaod trapiko. I Enamie Mogpon