Nagpaidalum sa orientation ang kapin 314 ka mga beneficiaries, 117 dire ang gikan sa premiro distrito kag 197 naman ang halin sa Segundo distrito para sa Government Intership Program (GIP) sang Capiz Provincial Government.
Ginpangunahan sang Public Employment Service Office ukon (PESO) Capiz ang nasambit nga programa sa pagpamuno ni PESO Manager John Leo Beldia.
Nagpa-abot man sang mensahe si Governor Fredenil Castro kag ginpaathag ang importansya sang good manners and right conduct bilang pundasyon kag basehan bilang empleyado. Nagtambong man sa nasambit nga orientasyon sanday Deputy Administrator for 1st District Ricky Martin, Executive Assistant Rio Garcia, kag GIP Focal person sang DOLE Capiz nga si Jahara Suzanne Sta. Maria.