Dead on arrival sa Aklan Provincial Hospital ro sangka eaeaki matapos raya nga mabun-an sa may Brgy. New Buswang, Kalibo.
Ginkilaea ro biktimang si Jaheel Custodio y Del Rosario 31yo, residente it Brgy. Talon, Altavas, Aklan ag presente nga nagaistar sa Brgy. Andagao, Kalibo samtang ro suspek hay ginkilaea nga si Janeray Yacub, 35yo it Brgy. Bulwang, Numancia.
Nag angkon ro biktima it maabung buno sa eawas rasun it anang kamatayun.
Sa imbestigasyun it Kalibo MPS ag base sa cctv footage it sangka tindahan sa area, nag abot ro biktima sa nasambit nga baraka agud bumakae pero pilang minutos pa hay umabot man ro suspek ag base sa cctv hay matsa nakaangkon it mainitang diskusyon sa tunga it suspek ag biktima.
Dikara ag ginbuno it suspek ro biktima sa nagkasari-sari nga parte it eawas kara.
Samtang, boluntaryo man nga nagsurender ro suspek sa Numancia MPS ag insigida nga ginturn-over sa Kalibo MPS. / ANN DESLENE SALAZAR