TUGPA sa prisohan ang usa kalalaki sa kasong pagpangawat sa may Upper 20, Brgy. Nazareth, Dakbayan sa Cagayan De Oro, Misamis Oriental pinetsahan kaniadtong Hulyo 27, 2021.
Base sa hiniusang operasyon sa mga personahe sa otoridad, natiklo ang giilang si MARLON BARANGIAN ALIPONGA, 32 anyos, bulag sa partner, merchandizer ug residente sa Purok 3, Garcia Brgy Cagay-anon, Sinacaban Misamis Occidental, ug top 10 most wanted person municipal level.
Ang tawong hilisgutan gidakup sa gahum sa Warrant of Arrest for Robbery, nga naka-dock sa ilalum sa kaso nga Criminal number 1972, nga adunay girekomendang piyansa nga mobalor sa 24 mil pesos.
Samtang ang dinakpan ang anaa na karon sa kustodiya sa Sinacaban Municipal Police Station alang sa husto nga disposisyon._BNFM Oroquieta