Ginaplano sa karon ang pagbakal sang 32 ka mga rescue vehicles para sa 32 man ka mga barangay sa syudad sang Kabankalan.
Katuyu-an sini ang para sa mas madasig nga pagresponde sa tion sang emerhensya ilabi na sa mga malayo, suludlon kag may mabudlay nga dalan nga barangay, kag agud nga makadul-ong sang kalidad nga serbisyu sa mga Kabankalanon.
Base sa interbyu nga ginpatigayon sang Brigada Kabankalan sa alkalde sang syudad Mayor Benjie Miranda nga nagabalor sang 104 Million ang budget sa amo nga proyekto halin accumulated budget nga wala magasto.
Dugang pa sang alkalde nga magluwas sini, magabakal man sang 11 ka pick-ups, 21 ka mini dum trucks para sa mga barangay nagud gamiton para sa paghakot sang mga basura, mga personnel sa ti-on nga kinahanglan, subong man plano sang alkalde nga magabakal sang wheel backhoe.
Ginapanglantaw man nga magagmit ini sa ti-on sa may magluntad nga mga natural phenomenon ka-angay sang pagbaha ilabi na sa karon nga pagsulod sang La Niña kag nga base sa datus ‘moderately susceptible’ ukon may daku nga tyansa nga magluntad ang pagdalidi sang duta sa siyam ka mga barangay sang syudad.
Madumduman nga sang tinalikdan nga adlaw, Hunyo 01, ginpagaturn-over man ang pila ka mga rescue equipment sa Disaster Risk and Reduction Management (DRRM) Kabankalan kaangay sang Jaws for life, hydraulic kag AC/DC nga spreader cutter, stabilization Kit, Fireman Suit, Chainsaw, Rubber boats, MotoMedic, Hailing device kag iban pa.