32 kilos nga litson baboy gikumpiska sa Gensan Meat Inspection Team sa National Highway

GIKUMPISKA sa Meat InspectionTeam sa General Santos City Veterinary Office ang 32 kilos nga litson baboy sa duha ka pwesto sa itsunan sa Barangay Calumpang gumikan sa napakita nga papelis.

Sa paghinabi sa Brigada Gensan kay Veterinarian IV Dr. Rex Calub gisulti niini nga usa sa iyang sakop sa Meat Inspection Team ang naghatag impormasyon nga adunay duha ka litson nga ginabaligya sa National Highway Calumpang nga walay Meat Inspection Certificate.

Gidugang ni Calub nga ilaha nga gi adtoan ang duha ka pwesto udto sa Enero 12 unya wala gayod nakapakita og papelis ang namaligya mao nga ilang gikumpiska.

Human nakuha ang duha ka litson ilaha kini gibutangan og disinfectant unya gilubong sa Demo Farm sa Barangay Sinawal.

Gipaklaro ni Dr Calub nga kon maogi sa ihawan sa syudad naa lang sa P500 ang magasto sa magpa litson apan kon dili moagi unya mamaligya unya makumpiska mas daku ang lugi sa negosyante, mao nga giawhag niini ang tigpa litson nga motuman sa ginapatuman nga balaud sa Meat Inspection ilawom sa RA 7394 ug RA 9296 kon An Act Strengthening the Meat Inspection System. I Ver Diazon