MOKABAT na sa 32,331 ang ihap sa mga naturukan og bakuna batok COVID-19 sa GenSan subay sa datos nga gipagawas sa City Health Office as of June 22, 2021.
Sa maong ihap, ang nakadawat sa first dose sa bakuna mokabat 23,169 samtang 9,162 ang nakadawat og second dose kun fully vaccinated sa nga priority groups nga A1 kun frontline health workers, A2 kun senior citizens ug A3 kun adult with comorbidities.
Sa mga frontline health workers, mokabat sa 8,937 ang nakadawat sa first dose samtang mokabat sa 7,006 ang nakadawat na og second dose o fully vaccinated.
Samtang sa mga A2 o senior citizens mokabat sa 8,347 ang nakadawat sa first dose ug 2,115 ang nakadawat og second dose.
Sa A3 kun adult with comorbidities, mokabat sa 5,885 ang nakadawat og first dose ug 41 ang second dose.
Dungan niini giawhag usab ang mga nabakunahan sa 1st dose nga magpabakuna na alang sa second dose.
Samtang nagpadayun usab ang masterlisting karon alang sa mga musunod nga mabakunahan, ang A4 priority group. Mahimong magparehistro pinaagi sa TAPAT system sa LGU-GenSan.
Photo: Rommel Rebollido