-Reymund Titong
KABANKALAN CITY, Negros Occidental — Ginalantaw ang 3, 250 tanan ka mga police personnel sang Police Regional Office 6 (PRO-6) nga natalana e-transfer ang assignment sa Negros Island Region (NIR).
Pahayag ni PRO-6 director Police Brigadier General Jack Wanky, ang pag-transfer sang mga police gikan sa Western Visayas ang equivalent sa 25% nga kabug-usan nga numero sang mga police nga yara sa 13,000 kabilog.
Suno kay Wanky ang masobra ka 3,000 ka mga police personnel ang yara na sa karun na-assign sa Negros Occidental Police Provincial Office kag Bacolod City Police Office.
Dugang pa ni Wanky, may mga natalana man e-transfer nga mga police personnel sa region 7 nga sa karun naga-serbisyo man sa Negros Oriental kag Siquijor.
Nahibaluan nga may yara na sa karun duwa ka appointed regional directors ang NIR – Si Dr. Razel Nikka Hao sang Department of Health kag Atty. Lionel Marco Castellano sang Commission on Elections (COMELEC).