Aabot sa 351 pamilya sa Bayan ng Irosin ang bahagi ng Special Emergency Housing Assistance Program.
Ayon sa Pamahalaang Bayan, malaking tulong ang halagang makukuha ng nasabing mga pamilya para mapaayos nila ang kanilang mga tirahan na nasira at ang muling pag bangon ng kanilang mga pamilya na lubos na pinahirap ng mga nagdaang kalamidad.
Ang tulong ay mula sa National Housing Authority Region V.
Samantala, bago magtapos ngayong akinse ng Disyembre, ang Philhealth Auto-renewal para sa taong 2021-2022, ay plano ng pamahalaang Bayan ng Irosin na bawat Philhealth registration encoder nila ay makapagrehistro ng hindi bababa sa 100 na mga pasyente bawat araw, 200 naman na pasyente ang dapat na makonsulta ng kanilang mga doktor at lahat ng pasyente sa kanilang Rural Health Unit o RHU ay awtomatikong irerehistro sa Philhealth. Gayundin ang E-konsulta kung saan pwede umanong magparehistro kapwa ang mga active at non-active members ng Philhealth.
