379 police operatives sa Iloilo nagpaidaeum sa drug test

Kabilugan nga 379 team leaders ag miyembro it provincial and municipal drug enforcement units ro nagpaidaeum sa random drug test ku October 29.

Ro team halin sa Regional Forensic Unit 6, sa pagpamuno ni Police Captain Ace Baldevieso, ro nagpatigayun it drug test.

Ro Provincial Investigation and Detective Management Unit, sa pagpamuno ni Police Lieutenant Colonel Raymond Celoso ro nagbulig sa aktibidad.

Sin-uman ro mag positibo sa drug test hay igarekomenda para sa dismissal sa serbisyo.

Ro pagpatigayun it drug test, hay kaparte it ginapatuman nga Enhanced Revitalized PNP Internal Cleansing Program, nga tinutuyo nga siguruhon ro integridad ag kredibilidad it mga operatiba kontra sa illegal nga droga. / ANN DESLENE SALAZAR

Leave a Reply

Your email address will not be published. Required fields are marked *