CAMARINES NORTE- Isang 38-anyos na lalaking suspek sa pagbebenta ng iligal na droga ang nadakip ng mga otoridad sa isinagawang buy-bust operation nitong June 16, 2021 dakong 9:50 PM sa Purok Yakal B, Barangay Poblacion Norte, Paracale, Camarines Norte.
Kinilala itong si Salvador Ceruelos Y Basto , residente ng Barangay Poblacion Norte, Paracale, Camarines Norte.
Nakuha sa pag-i-ingat nito ang isang (1) piraso ng maliit na pakete ng hinihinalang “shabu” na may tinatayang halaga na humigit kumulang limang daang piso (₱500.00); tatlong (3) piraso ng maliliit na pakete ng hinihinalang “shabu” na may tinatayang halaga na humigit kumulang na tatlong libo at limang daang piso (₱3,500.00); isang (1) piraso ng limang daang piso (₱500.00) na nagsilbing buy bust money.
Si Ceruelos ay nasa kustodiya na ng Paracale MPS para sa kaukulang disposisyon