3rd Aklan Provincial Health Board Meeting, ginpatigayun; 5 rabies death sa Aklan, nailista

Ginpatigayun ro 3rd Aklan Provincial Health Board Meeting kahapon, Oktubre 11, 2022 sa Aklan Training Center, Old Buswang, Kalibo, Aklan.

Gintambungan raya ni Aklan Governor Jose Enrique Miraflores, Dr. Leslie Ann Sedillo, PHO II, ag Dr. Cornelio Cuachon Jr., Chief of Hospital, (DRSTMH).

Ro nasambit nga Provincial Health Board Meeting hay nakasentro sa padayun nga pagsiguro nga maipadayun ro implementasyun it Universal Health Care sa probinsya ag mga banwa sa Aklan.

Ginrepresenta man it Provincial Health Office nga sa 100% as of September 2022 ro Preparatory Level it Aklan pag abot sa Local Health System Maturity Level.

Pag abot man sa COVID-19 Vaccination, magatao ro provincial government it cash incentives sa mga LGUs nga makaabot sa andang mga vaccination targets.

Base man sa latest update sa kaso it Rabies, ginpakita ni Ms. Debbie Villaflor, Provincial Rabies Coordinator nga may limang rabies death ro nailista sa Aklan.

Manaba segun ro porsyento it dog vaccination sa probinsya sa panahon it pandemya kung siin, nag abot eamang raya sa 10%. / ANN DESLENE SALAZAR

Leave a Reply

Your email address will not be published. Required fields are marked *