LEGAZPI CITY – Pigkondusir kasuhapon an 3rd quarter Provincial Anti-Drug Abuse Full Council Meeting kan Albay Police Provincial Office sa Red Room, Albay Capitol, syudad nin Legazpi.
Pinangenotan ini ni PCol. Fernando Cunanan, Jr., Provincial Director kan nasambit na opisina asin an Vice Chairman kan PADAC.
Napag-olayan digdi an situation report and updates kan PDEA, situation updates and discussion of accomplishments and plans and programs kan PPO, asin accomplishment report on SDECS kan Provincial Social Welfare and Development.
Kinakaipohan digdi an pagsustenir asin pagbabantay kan mga plano asin programa sa kampanya kontra sa ilegal na droga sa probinsya.
Pig-enganyar man ni Cunanan an secretariat asin mga miyembro nin konseho na gumibo nin propwesto para sa Youth Leadership Summit asin Camp Out na may doon sa BIDA program kan DILG tanganing masyerto an pagbabawas nin demand sa ilegal na droga, asin madeklarar na drug-free an Albay.